PLASTEX QAZAQSTAN 2025: ХИМИЯ ЖӘНЕ ПОЛИМЕР ӨНЕРКӘСІБІН ДАМЫТУҒА АРНАЛҒАН ЖАҢА КӘСІБИ ПЛАТФОРМА

2025 ЖЫЛДЫҢ 12-14 ҚАРАШАСЫ АРАЛЫҒЫНДА АЛМАТЫ ҚАЛАСЫНДАҒЫ «АТАКЕНТ» КӨРМЕ КЕШЕНІНДЕ АЛҒАШ РЕТ ҚАЗАҚСТАНДЫҚ ХАЛЫҚАРАЛЫҚ ПЛАСТМАССА ЖӘНЕ ХИМИЯ ӨНЕРКӘСІБІ – PLASTEX QAZAQSTAN КӨРМЕСІ ӨТЕДІ.

Бұл ауқымды салалық іс-шара пластмасса, каучук, полимерлер және химиялық өнімдердің жетекші өндірушілері, жеткізушілері мен тұтынушыларын біріктіреді. Көрме келесі бөлімдерден тұрады:

Пластмасса, каучук және полимерлерді өндіруге арналған жабдықтар мен технологиялар;
Қайта өңдеу және кәдеге жаратуға арналған жабдықтар;
Шикізат, полимерлік материалдар және қоспалар;
Пластмасса, каучук және полимер материалдарынан жасалған бұйымдар;
Химия өнеркәсібіне арналған технологиялар, шикізат және жабдықтар.

Plastex Qazaqstan 2025 Қазақстан мен Орталық Азия елдерінде пластмасса және химия өнеркәсібін дамытуға ықпал ететін маңызды кәсіби алаңға айналмақ. Қазақстандағы пластмасса және химия өнеркәсібінің дамуы – бұл жаһандық үрдістердің көрінісі ғана емес, сонымен қатар елдің өнеркәсіптік тәуелсіздігін арттыруға бағытталған стратегиялық қадам болып саналады. 2024 жылғы статистикалық мәліметтер химия саласының негізгі сегменттерінде тұрақты өсімді және инвестициялық белсенділіктің артқанын көрсетеді.

Ұлттық статистика бюросының мәліметтері бойынша, 2024 жылы Қазақстанда өңдеу өнеркәсібі алдыңғы жылмен салыстырғанда 4,8%-ға өсім көрсетті. Әсіресе химиялық өнім өндірісі 9,5%-ға артты. 2024 жылғы 1 ақпанда елде химиялық өнім өндіретін 1 086 кәсіпорын жұмыс істеп тұр, бұл 2023 жылдың осы кезеңімен салыстырғанда 11%-ға көп.

Бұл деректер саланың жоғары әлеуетін көрсетіп, Plastex Qazaqstan көрмесіне қатысудың маңыздылығын айқындайды: дәл осы алаңда компаниялар қалыптасып жатқан нарықта көшбасшылық орнын иеленіп, жаңа өндірістік тізбектерді жолға қоя алады, экспорттық әлеуетін арттырып, Қазақстанның орнықты индустриялық дамуына үлес қоса алады. Көрмеге Иран мен Қытайдан компаниялар қатысатынын растады.

Market Research Future агенттігінің мәліметіне сәйкес, жаһандық пластмасса нарығы да тұрақты өсімді көрсетіп отыр және болжам бойынша 2030 жылға қарай көлемі 750 миллиард АҚШ долларынан асады. Бұл өз кезегінде Қазақстан үшін де бұл бағытты дамытудың стратегиялық маңызын айқындайды.

Қазақстанның химия өнеркәсібі одағының деректері бойынша, республикадағы химия саласы тұрақты өсім көрсетіп келеді: 2020 жылдан бері өндіріс көлемі 30%-дан астамға артқан. Индустрияландыру мен импортты алмастыру саясаты аясында пластмассаны қайта өңдеу, тұрақты полимер материалдары мен «жасыл» химия саласындағы инновациялық шешімдер ерекше өзектілікке ие.

Plastex Qazaqstan компаниялар үшін өздерінің әзірлемелерін, технологияларын және өнімдерін кәсіби аудиторияға көрсетуге, іскерлік байланыстар орнатуға, жаңа клиенттер мен серіктестер тартуға бірегей мүмкіндік болады. Көрме бизнес, мемлекеттік құрылымдар және ғылыми-зерттеу қауымдастығы арасындағы тиімді диалогқа жағдай жасайды, бұл қарқынды дамып жатқан нарық жағдайында аса маңызды.

Plastex Qazaqstan 2025 көрмесі тек экспозициялық алаң ғана емес, сондай-ақ Қазақстанның химия және полимер өнеркәсібінің тұрақты дамуына ықпал ететін жаңа салалық бастамаларға, инвестициялық жобалар мен технологиялық ынтымақтастыққа бастау болатын орынға айналады.

Көрменің ұйымдастырушысы – Қазақстандық Iteca көрме компаниясы және оның халықаралық серіктесі – ICA Events компаниялар тобы.

Іс-шараға ресми қолдау көрсететіндер: Қазақстан Республикасы Өнеркәсіп және құрылыс министрлігі, Алматы қаласының әкімдігі, салалық одақтар мен қауымдастықтар.

📍Өткізілетін орны: Алматы қ., «Атакент» көрме орталығы
📅 Күні: 2025 жылғы 12–14 қараша

Жаңалықтардан хабардар болыңыз және көрменің ресми сайтында стендке тапсырыс беріңіз: https://plastex.kz/