PLASTEX QAZAQSTAN 2025 НӘТИЖЕЛЕРІ: ХАЛЫҚАРАЛЫҚ ДИАЛОГ, БОЛАШАҚ ТЕХНОЛОГИЯЛАРЫ ЖӘНЕ ҚАЗАҚСТАННЫҢ ХИМИЯ ЖӘНЕ ПОЛИМЕР ӨНЕРКӘСІБІ ҮШІН ЖАҢА СТРАТЕГИЯЛЫҚ ПЛАТФОРМА

12-14 ҚАРАША АРАЛЫҒЫНДА АЛМАТЫДА ҚАЗАҚСТАННЫҢ АЛҒАШҚЫ ПЛАСТИК ЖӘНЕ ХИМИЯ ӨНЕРКӘСІБІ КӨРМЕСІ PLASTEX QAZAQSTAN 2025 ӨТТІ, ОЛ ӨНЕРКӘСІП ҮШІН МАҢЫЗДЫ ОҚИҒАҒА АЙНАЛДЫ.

Іс-шара өндірушілерді, жеткізушілерді, сарапшыларды және мемлекеттік мекемелердің өкілдерін біріктіріп, тәжірибе алмасу, инновацияларды көрсету және салалар арасындағы ынтымақтастықты дамыту үшін алаң құрды.

Үш күндік жұмыс барысында көрмеге  860 келуші қатысты оның ішінде 561-і сала мамандары болды,  бұл полимер және химия өнеркәсібі саласындағы жаңа технологиялар мен шешімдерге нарықтың жоғары қызығушылығын растайды. Апрель компаниясының коммерциялық директоры Александр Троинин көрмеден алған әсерімен бөлісті: "Көрме жақсы әсер қалдырды, әсіресе ол алғаш рет Қазақстанда өткізіліп жатқанын ескерсек. Ашық айтсам, бұл бірінші рет өткізілгені емес деп ойладым. Сала өкілдері әлі көп емес, бірақ қатысушылар арасында таныс компаниялар бар. Өзім үшін KPI компаниясын атап өттім — біз байланыс алмастық және тығыз ынтымақтастықты талқылауды жоспарлап отырмыз."

Биыл Plastex Qazaqstan 6 елден — Қазақстан, Үндістан, Иран, Қытай, Ресей және Өзбекстаннан 44 компанияны біріктірді. Олардың ішінде 13 отандық өндіруші және 31 халықаралық компания бар, олар шикізат пен компоненттерден бастап жабдықтарға, автоматтандыруға, қалыптарға және 3D басып шығару технологияларына дейінгі толық шешімдерді ұсынды. Көрме қатысушылары өзара әрекеттесу мен кәсіби қызығушылықтың тиімділігін де атап өтті: «Plastex Qazaqstan көрмесі өте тиімді өтті, көптеген қызықты кездесулер болды және біз байланыстарымызды бөлістік. Біз қазақстандық пластик өндірушілерімен ұзақ мерзімді ынтымақтастықты асыға күтеміз және Қазақстанда тағы бір үлкен көрмеге асығып отырмыз," – деді Samarkand-Golden Colors компаниясының өкілі Мұхаммаджон Абдуллаев.

Көрме «Қазақстан пластмасса нарығының дамуы үрдістері және халықаралық тауар нарықтарындағы негізгі ойыншылар» атты пленарлық сессиямен басталды, онда импортты алмастыру, өндірістегі қосымша құндылықты арттыру, саланың инвестициялық тартымдылығы және саланы реттеудегі мемлекеттің рөлі қарастырылды. KPI, KAZAKHEXPORT, Polymer Market, KAZCHEMISTRY, PetroCouncil және басқа да құрылымдардың өкілдері сессияға қатысты. Салааралық диалогтың жоғары деңгейі де қонақтар тарапынан атап өтілді: «Мұндай іс-шаралар Қазақстанның негізгі өнеркәсібін біріктіріп, жергілікті өндірісті дамытуға бағытталғаны ерекше құнды. Әртүрлі салалар мен компаниялардың өкілдерінің алаңға жиналуы өте жағымды – бұл саланың жалпы дамуына мықты негіз қалады», – деді Linde инженері Зарема Есенгалиева.

Пленарлық талқылаудан кейін бірден қатысушылар форсайт-блокқа ауысты, онда талқылаулардың алдын ала нәтижелері қорытындыланып, елдің полимер нарығын дамыту бойынша болжамдар жасалды. Содан кейін ресми ашылу рәсімі мен көрмеге VIP экскурсия өтті, бұл қонақтарға негізгі стендтер мен технологиялармен танысуға мүмкіндік берді. Бағдарламаны "Жергілікті өндірісті дамыту: Автомобиль өнеркәсібіндегі химияның рөлі" тақырыбында Astana Motors Engineering, Allur, SIBUR, Silleno LLP, KPI және Қазақстан автомобиль одағы қатысқан сессия жалғастырды. Спикерлер өндірісті локализациялау, инновациялық материалдар, жеткізу тізбектерін оңтайландыру және мемлекеттік қолдау шаралары туралы талқылады.

Сол күні «Құрылыстағы химия: қиындықтар мен шешімдер» атты талқылау панелі өтті, онда бояу мен лак өнімдерін локализациялау, полимерлік құбыр сегментін дамыту және тиісті салалардың тиімділігін арттыру мүмкіндіктері талқыланды.

Арнайы көрме аймақтары іскерлік коммуникацияны дамытуда маңызды рөл атқарды. B2B аймағы тиімді келіссөздер мен серіктестіктер орнатуды қамтамасыз етті. ECO Zone қайта өңдеу және тұрақты өндіріс технологияларымен назар аударды. Astana Hub-тан Robo Zone робототехника мен 3D басып шығару саласындағы шешімдерді таныстырып, саланың технологиялық дамуы үрдістерін атап өтті. Қатысудың практикалық пайдасын көрмеге қатысушы компаниялар да растады. Булат Галиев, Ан-Намль: «Көрме туралы жалпы әсер оң . Нәтижелер туралы айтсақ, онда жеткізу мен сату бойынша орнатылған байланыстар бар. KPI-мен байланыс орнатылды, шикізат сатып алуға өтініш жіберілді.», - деп атап өтті.

13 қарашада көрменің екінші күні ESG күн тәртібіне арналды. Конференция бағдарламасы Орталық Азия Қоршаған ортаны зерттеу институтының практикалық ESG семинарымен ашылды, ол екі негізгі бөлімнен тұрады: «Қазақстан пластик өнеркәсібіне ESG таксономиясын әзірлеу: халықаралық стандарттарға сәйкестік» және «Тұрақты өндірісті басқару құралы ретінде пластиктің өмірлік циклін бағалау (LCA)». Қатысушылар тұрақты өндірісті басқару құралдары мен қоршаған ортаға әсерді азайтуға арналған заманауи тәсілдерді талқылады. Қатысушылардың ерекше назарын Recycle Birge Foundation-мен бірлесіп ұйымдастырған жетекші пластик өңдеушілер қатысқан сессия аударды. Талқылаулар аясында сарапшылар практикалық тәжірибе алмасып, тиімді қайта өңдеу және салада тұрақты тәжірибелерді енгізудің заманауи тәсілдерін талқылады. Нақты ұсыныстар ресми түрде тиісті мемлекеттік және салалық департаменттерге әрі қарай қарау және жүзеге асыру үшін жіберілді.

 Plastex Qazaqstan 2025 өз жұмысын аяқтап, Қазақстанның химия және полимер өнеркәсібі үшін жаңа стратегиялық платформа мәртебесін растады. Халықаралық және отандық компаниялар арасындағы диалог, заманауи технологияларды таныстыру және кәсіби қатысудың жоғары деңгейі көрмені сала үшін маңызды оқиғаға айналдырып, оның әрі қарай дамуына негіз қалады.

 Алтын серіктес – HAITIAN.

Стратегиялық серіктес — KPI.

Ресми қолдау ҚР Индустрия және құрылыс министрлігі, ҚР Энергетика министрлігі, «KAZХИМИЯ» ОЮЛ, «Қазақстан индустрия және экспорт орталығы «QazIndustry» АҚ, PGCA, «Атамекен» Ұлттық кәсіпкерлер палатасы, Қазақстан ораушылар қауымдастығы, Қазақстанның қайталама шикізатты өңдеушілер қауымдастығы, CSD CENTER, «Samruk-Kazyna Ondeu» ЖШС, Полимерлік құбырлар өндірушілер қауымдастығы және «POLYMER MARKET» ЖШС көрсетті.

 Көрме ұйымдастырушысы — Қазақстан көрме компаниясы ITECA және оның халықаралық серіктесі — ICA Events компаниялар тобы.